AFM - Online Radio Aruba

Instituto Biba Saludabel y Activo, IBiSA ta continua cu deporte activo pa nos hobennan. Den Deporte Escolar ta riba programa e “Weganan Interinsular” cu ta tuma lugar tur aña. E fin di siman nos dilanti esaki ta inicia na isla di Boneiro, pa cual un delegacion di Aruba ta biaha pa bay representa Deporte Escolar di Aruba. E ramonan di deporte cu ta bay participa ta: Softball, Volleyball y Futbol. Como hefe di e delegacion di Aruba ta biaha sra. Jacqueline Ponson van Putten.

Biahe delegacion pa Boneiro:

E delegacion di Aruba ta biaha cu nos aerolinea Tiara Air y e prome grupo, consisti di e ekipo campeon di Softball Escolar den Enseñansa Avansa, esta Colegio San Antonio  y e ekipo campeon di Volleyball Escolar den Enseñansa Avansa cu ta Colegio Arubano San Nicolaas ta sali 13:20’or diabierna dia 22 di maart 2013 rumbo pa Boneiro. E grupo aki ta regresa Aruba diadomingo dia 24 di maart 2013 pa 22:00’or.

Instituto Biba Saludabel y Activo, IBiSA ta invita nos “Medionan di Prensa”  cu ta interesa y tin pensa pa cubri e gran evento di nos “28^th ARUBA INTERNATIONAL HALF MARATHON” diadomingo awor dia 17 di maart 2013, pa pasa na oficina na unda nos ta atende cu inscripcion pa e evento.

Esaki ta na e di dos piso di Certified Megamall (ex-oficina di IDEFRE).

Ta haya “UN IDENTIFICACION cu bo ta PRENSA” asina bo por core riba e ruta na momento cu e careda ta tuma lugar. Si acaso BO NO TIN e identificacion aki, Cuerpo Policial por saka bo afor di e ruta.

Na “finish line” tambe lo tin na cada banda un podium na unda cu fotografonan of camarografonan di prensa por para pa un mihor “shot”.

Nos ta gradici si e Medionan di Comunicacion cu ta interesa por pasa den transcurso di awe diahuebs ainda te cu 4:30p.m.; mayan diabierna durante dia for di 7:30a.m. stret te cu 4:30p.m.

Diasabra tambe nos ta na oficina for di 9:00a.m. pa 1:00p.m.

E campeonato di Futbol Division di Honor a conoce varios buelta stranjo y ta parce cu tur cos por pasa. Despues cu Dakota ta gana RCA den e “Super Classico” e team Amarillo parce ta garando forma y diabierna awor ta topa e Naranjado nan di Santa Cruz, SV Estrella.

Comite Olimpico Arubano su comision di Damas hunto cu Instituto Biba Saludabel y Activo, IBiSA y PIA,  ta preparando pa otro gran evento cu ta tuma lugar riba diasabra dia 1 di december 2012. Esaki ta e tremendo Women’s Run & Walk Race 2012, cu ta un competencia cu lo conta solamente cu participacion di nos hende muhernan.